ايها السوًاق

عزيزى المواطن (transporter عصرك)

                                                    تحية ....طيبة و بعد

 مجرد كونى بنت مش معناه أن قدراتى "تستحيل" ان تصل لقدراتك "الخارقة" فى السواقة. أنا بسوق مرعوبة من تعليق سخيف زى "انتوا بتسوقوا ليه؟" أكتر من خوفى انًى اطيًر حد فى سكتى. زى ما مفيش بنات بتعرف تسوق/تركن عدِل، مش حلقات "سابق و لاحق" اللى خلتك "super سواق" بالفِطرة!

عايزة افكرك بشىء صغير: اللورى أو الباص اللى اداك أول خبطة، اللى بيسوقها مكنتش ست! المشروع اللى عشان خاطر عيونه اتعلمت أقبحها الفاظ، مش ست اللى بتسوقه. العربية العدمانة اللى ماشية على مهلها تفتكرها ست، تطلع راجل عجوز بيطلًع فى الروح.

حتى البنات/السيدات اللى سواقتها على أدًها و أنا ممكن (ده لو مش أكيد) منهم، خوفهم أنهم يدوسوا حد أو يخوشوا فى عربية، هو اللى خلًى نسبة الحوادث أكثرها انتوا كرجال مَن يرتكبها. و مش كل بنت عندها سوًاق و مش كل أب فاضى 24 ساعة عشان يوصًل بنتهُ و مش كل سيدة لديها رجل يصلها حيثما ارادت، فمن الممكن أن تكون أرملة/ يتيمة/ بعضهن يتخذوها كوسيلة لكسب الرزق (توصيل طلبة المدارس). أنتَ شخصياً ساعات تبقى مش مركٍز عشان قلق امتحان أو ضغوط عمل أو تعرقل حياتك الإجتماعية أو حالة وفاة أو إذ فجأةً مرضت، زى ما من المحتمل يحصلك كل ده، ممكن يحصل لغيرك إذا كان رجل او امرأة.

على أى حال ده فكر مجتمع و مقدرش ألومك على ضعفك إنك تتعدى كونك شرقى عنصرى. :)